Во финалето на Лигата на шампионите ќе се сретнат Пари Сен Жермен и Арсенал. Парижаните го елиминираа Баерн Минхен со вкупен резултат 6-5 во двомеч, додека Арсенал беше подобар од Атлетико Мадрид со 2-1.
Еден од најдобрите играчи во оваа сезона е Квича Кварацхелија. Фудбалерот од Грузија го израмни сезонскиот рекорд на Килијан Мбапе со 16 директни учества во голови (гол + асистенција), а стигна до 10 гола и 6 асистенции, што претставува импресивен ефект.
Кварацхелија стана и првиот фудбалер во историјата на Лигата на шампионите кој на седум последовни натпревари во нокаут-фазата имал гол или асистенција, нешто што не им успеало ниту на Кристијано Роналдо ниту на Лионел Меси.
Финалето меѓу ПСЖ и Арсенал е закажано за 30 мај. Ова ќе биде прво финале меѓу два тима предводени од шпански тренери, а постои и уште една интересна историска нота, ова ќе биде само четвртото финале во историјата на елитното клупско натпреварување во кое се среќаваат клубови од главните градови на нивните држави.
Претходните такви финалиња биле: Реал Мадрид – Бенфика (1961), Реал Мадрид – Партизан (1966) и Ајакс – Панатинаикос (1971).
