Актуелниот шампион на Шпанија, Барселона, активно работи на ангажман на нови засилувања за следната сезона, пред се тоа се однесува на Нико Вилијамс од Атлетик Билбао, но „каталонците“ ќе мора и да се ослободат од неколкумина играчи за да направат простор за новите.
Шпанска „Марка“ тврди дека на трансфер-листата на Жоан Лапорта се четворица фудбалери, а едниот е големо изненадување. Прв на списокот е Ансу Фати, што е и очекувано. Следува Пабло Торе, кој е голем талент, но поради несогласувањата со Ханси Флик, ќе биде продаден.
Следен на списокот за продажба е Ориол Ромеу, кој минатата сезона беше позајмен во Жирона, но сега му е кажано дека за него нема место во Барселона.
Четвртиот фудбалер е и најголемото изненадување. Се работи за данскиот дефанзивец Андреас Кристијансен, кој ќе биде продаден поради честите повреди, иако важи за еден од најдобрите одбранбени фудбалери во редовите на „каталонците“.
