Легендарниот дефанзивец на Барселона, Карлес Пујол, ја имаше најжестоката изјава по елиминацијата на Каталонците во четвртфиналето од Лигата на шампионите. Според многумина, но и според Пујол, Барселона е елиминирана „благодарение“ на судиите.
„Ова не е фудбал. Ми се смачи од изговорите! Јас ја играв оваа игра цел живот и никогаш не сум видел толку патетичен двоен стандард. Го праќате Ерик Гарсија надвор за ‘лесен допир’ на грбот – нешто што се случува педесет пати во натпревар, но кога Олмо е јасно фаулиран во шеснаесетникот, не гледате ништо? Кажете ми, која е разликата меѓу тие два фаула? Едниот е црвен картон, а другиот не вреди ни за да се свирне? Тоа е грабеж среде бел ден. Ако судиите сакаат да бидат ѕвезди на шоуто, треба да се пензионираат и да се приклучат во циркус. Ова е срамота за Лигата на шампионите и навреда за Барселона. Доста е“, рече Пујол.
