Легендата на англискиот фудбал и на Њукасл, Алан Ширер, го критикуваше напаѓачот на Ливерпул, Александер Исак. Црвените го купија минатото лето по големи контроверзии токму од Страчките.
Швеѓанецот беше надвор од терените поголем дел од сезоната поради сериозна повреда, но имаше одлична шанса да се докаже со настапот за Ливерпул против ПСЖ откако доби место во стартниот состав. Сепак, не успеа да направи ништо значајно.
„Тој речиси и не учествуваше во натпреварот. Само пет допири на топката во едно полувреме, не направи доволно, не изгледаше во форма. И мислам дека Арне Слот го кажа тоа пред натпреварот, нели?“
Слот одлучи да го стартува Исак, оставајќи го надвор од почетниот состав Мохамед Салах. Ова предизвика многу коментари, особено ако се знае дека Салах постигна гол во победата од 2:0 против Фулам за време на викендот.
