Гери Невил, легендата на Манчестер јунајтед кој моментално работи како фудбалски аналитичар на „Скај спортс“, уште во февруари, периодот кога Манчестер сити ја доби казната од страна на УЕФА, кажа дека управата и правниот тим на Граѓаните ќе го добијат случајот со Европската фудбалска куќа.
„Финансискиот ферплеј не е добар начин да се регулира трошењето на богатите клубови. Сметам дека Манчестер сити ќе го добие случајот со УЕФА бидејќи таа е безнадежна организација“, кажа Невил во февруари.
Утрово Судот за спортска арбитража во Лозано, Швајцарија, ја укина забраната на Манчестер сити за две години неиграње во европските натпреварувања. Но, минатосезонскиот англиски првак останува под истрага од страна на Премиер лигата.
🗣 "Manchester City will beat UEFA, they are a hopeless organization"@Gnev2 speaking about Man City's UCL ban in February pic.twitter.com/GsRb3Z3cyC
— Football Daily (@footballdaily) July 13, 2020
