По поразот од Нотингам форест и седмиот меч по ред без победа, раководството на Лидс се реши за драстична мерка и го смени тренерот Џеси Марш.
Американецот дојде во Лидс во февруари минатата година и издржа само 12 месеци на кормилото на клубот од Јоркшир.
Лидс сè уште нема победа во 2023 година во натпреварите од Премиер лигата и падна блиску до опасната зона за испаѓање.
Моментно имаат 18 бода на 17-тата позиција на табелата, прва што е над зоната за испаѓање, но еднаков број бодови има и Евертон, кој е под нив.
Борнмут има 17 бода, а Саутхемптон, кој е последнопласиран со 15 бода, што ја покажиува тешката ситуација во која се наоѓа Лидс.
Сè уште не е објавено кој ќе биде новиот менаџер што ќе го замени Марш.
