Ливерпул нема да му дозволи на голманот Лорис Кариус да тренира со првиот тим на Црвените, иако овој германски чувар на мрежата официјално е под договор со лидерот на Премиер лигата.
Кариус, кој стекна светска слава со киксевите во финалето на Лигата на шампионите во 2018 година, беше избркан од Ливерпул, поточно позајмен во Бешикташ. Позајмицата во турскиот клуб истече, Бешикташ му должи 1,6 милиони евра и сега Кариус треба да се врати во Ливерпул. Но, клубот не смета на неговите услуги, туку планира да му даде одмор на Кариус и кога ќе почне преодниот рок, да го продаде.
