Во последните 10 години, Реал Мадрид освои само две титули во шпанската Примера дивисион. Тоа се случи во сезоните 2011/12 и 2016/17, кога на клупата седеа Жозе Мурињо и Зинедин Зидан. Во двата случаи Мадриѓаните стартуваа со по 13 бодови во првите пет средби. На крајот, Реал со Мурињо беше првак со 100 бодови, а со Зизу станаа шампиони со 93 освоени бодови.
И сезонава Реал, сo Хулен Лопетеги, започнува како во тие шампионски сезони. „Кралевите“ имаат 13 бодови во петте одиграни дуели досега и се на делба на првото место на табелата заедно со Барселона. Каталонците се први само благодарение на подобрата гол-разлика.
Откако во 1995 година беше воведено за победа да се даваат три бодови, Реал уште три пати имал 13 бодови од пет кола. Во 2007/08 стана првак со Бернд Шустер, со Карло Анчелоти во 2013/14 заврши на третото место, а во 2015/16 со Рафаел Бенитес дојде до второто место на крајот.
