Реал Мадрид со три победи ја почна новата сезона во шпанската Примера дивизија, но гостувањето кај Атлетик Билбао треба да покаже колку може овој состав на „кралевите“. Станува збор за традиционално незгодно гостување, баскијците против Реал секогаш играат со 100 отсто од своите сили, а ќе имаат и поддршка од трибините.
Гостите немаат големи проблеми околу составот, а кај Атлетик, неизвесни се Леке, Адуриз и Ерерин. Билбао има четири бода од два меча, но нивната последна победа над Реал на „Сан Мамес“ беше во март 2015 година. Во минатата сезона, беше 0:0.
Билбао е град сместен на само 112 километри од селото Астеасу, родното место на тренерот на Реал Мадрид, Хулен Лопетеги.
Во составот на Реал повторно нема да биде младиот Бразилец Винисиус, а најавите се дека на голот ќе застане Тибо Куртуа. Белгиецот нема пријатни сеќавања од Билбао, Таму на три гостувања (една победа и два порази) како чувар на мрежата на Атлетико Мадрид, прими седум гола. Последен пат таму бранеше пред четири ипол години, но и вечерва од 20.45 ќе биде ставен на тест.
Со новиот тренер, Реал долго ја држи топката во свој посед, веројатно ќе го контролира темпото, па затоа и коефициентите го фаворизираат гостинот. Во понудата на Спортлајф, квотата за двојка е 1.60, за нерешено е 4.33, додека за победа на Атлетик е 4.90.
