Лоши вести за Вардар: За Рожерио Мораеш заврши годината

Ракометниот првак Вардар во следниот период ќе остане без пикерот Рожерио Мораеш. Бразилецот денеска преку социјалните мрежи потврди дека ќе мора да оди на операција на коленото. Еден од најборбените играчи на „црвено-црните“ уште од минатата сезона имаше проблеми со коленото, но постојано ја одложуваше операцијата.

„Мечот против Барселона беше последен за мене во дресот на Вардар за оваа година. Морам да одам на операција на коленото. Не беше лесно во последните три месеци, постојано играм со болки во коленото. Наскоро ќе се вратам“, напиша Рожерио на својот профил на „Инстаграм“.

Вардар до крајот на годината ќе одигра уште три тешки мечеви во Лигата на шампиони. Најпрво следи гостувањето кај Барселона, а потоа и тоа во Брест против Мешков. Последниот меч за 2018 година во ЛШ е дуелот против Кејлце во „Јане Сандански“ на почетокот на декември.

- Оглас -

Најнови вести