Напаѓачот на Рома, Ромелу Лукаку очигледно има цел негов следен клуб да биде некој од Саудиска Арабија. Ова може да се заклучи по изјавата која белгискиот интернационалец ја даде, а се однесува за квалитетот на првенството во Саудиска Арабија. Голгетерот очигледно дека малку повеќе и претера со фалењето, велејќи дека тоа првенство може да биде најсилно во цел свет.
„Во наредните две години ја гледам саудиската лига како една од најсилните во светот, ако не е најдобра. Клубовите таму носат докажани играчи и ова првенство многу напредува. Саудиската лига може да биде најсилна во светот“, рече Лукаку.
Во изминатиов период Кристијано Роналдо беше главен промотер и фудбалерот кој најмногу ја фалеше лигата во Саудиска Арабија, но дури ни тој се намаше осмелено да каже дека таму ќе се игра најдобриот фудбал во цел свет, како што тоа сега го вели Лукаку.
🇸🇦 Romelu Lukaku: “In the next two years I see Saudi Pro League becoming one of the best in the world, if not the best”.
“The clubs make a lot of efforts to bring the ‘big’ players here. They are improving a lot”.
“It could be the best competition in the world”. pic.twitter.com/PPBfoyjWGd
— Fabrizio Romano (@FabrizioRomano) January 25, 2024
Во тековната сезона Лукаку во дресот на Рома одигра 26 натпревари и постигна 15 погодоци со што само потврдува дека е во одлична форма.
