Карлсон Пикет е фудбалерката која испиша историја во репрезентацијата на САД затоа што стана првата која заиграла во националниот тим, а има хендикеп (има разлика во екстремитетите). Пикет е родена без еден дел од левата рака, но тоа не ѝ претставуваше проблем да го оствари сонот, да заигра за репрезентацијата на САД.
На дуелот против Колумбија, селекторот на САД, македонскиот тренер Влатко Андоновски, ја вметна Пикет во стартниот тим и таа го одигра целиот меч во победата од 2:0.
„Чувството да се биде различен и вознемиреноста да не се вклопам е нешто низ коешто сум поминала“, порача Пикет, споделувајќи како носела дуксери во текот на летото за да ја сокрие раката. „Овој месец е навистина навистина посебен, важен и треба да се слави“, задоволно коментира фудбалерката.
Last night, reigning #FIFAWWC champions @USWNT continued their 2023 qualifier preparations with a victory over Colombia.
The match was significant beyond the score. @Cars_Pickett16 became the first-ever player with a limb difference to earn a #USWNT cap. pic.twitter.com/zJ1kGVkyaL
— FIFA.com (@FIFAcom) June 29, 2022
„Карлсон добро тренираше изминативе дена и среќен сум што одигра добри 90 минути“, рече селекторот Андоновски по победата на САД над Колумбија.
