Едер Милитао нема да игра за Бразил на Светското првенство ова лето, кое ќе се одржи во САД, Мексико и Канада.
Бразилскиот дефанзивец беше подложен на магнетна резонанца и снимката откри потешка повреда на мускулот на бицепсот на феморисот на левата нога од тоа што првично се мислеше дека е. Милитао ќе мора да оди на операција, и ќе отсуствува четири месеци, што значи дека би се вратил на терените накаде на почетокот на следната сезона.
Милитао доживеа истегнување на мускулот при едно лизгање непосредно пред полувремето против Алавес и веднаш побара да биде заменет. Првичната прогноза беше 4-5 недели отсуствување, но на крајот испадна дека е повторување на истата повреда од декември и ќе му биде потребна операција.
