Манчестер јунајтед е подготвен да се раздели од најскапиот дефанзивец во историјата на клубот, Хари Мегваер. Играчот кој во минатата сезона ја носеше и капитенската лента сега е пред излезна врата од „Олд Трафорд“. Тренерот Ерик тен Хаг најави дека не го гледа Мегваер во прв план за дефанзивниот ред, па затоа ќе се обидат да го продадат во летниот преоден рок.
Според најавите, Црвените ѓаволи поставиле откупна клаузула од 58 милиони евра за предвремен раскин на договорот на Мегваер. Актуелниот договор на дефанзивецот со англискиот гигант е до јуни 2025 година.
