Марк Ален го совлада Шон Марфи со 9:7 во финалето на Отвореното првенство на Шкотска во снукер, а моментот кој го одбележа финалето беше оној решавачки поен за 32-годишниот играч од Северна Ирска.
На Ален за победа пред последната црвена му требаше само уште една обоена кугла, во случајов розевата, тој планираше да ја смести во средната дупка, но ударот беше пресилен, куглата не влезе и продолжи да се тркала на друга страна од масата. За негова среќа, „Боговите на снукерот му беа наклонети“, розевата топка заврши во сосема друга дупка и тој со овој случаен погодок стана шампион на турнирот.
Се разбира, во стил на џентлмен, Ален му се извини на Марфи, а потоа го доврши брејкот и го освои својот деветти фрејм за победа од 9:7.
Погледнете го среќниот и случаен погодок на Ален:
https://twitter.com/twitter/statuses/1074418891860951041
