Репрезентативецот на Мароко и фудбалер на Челзи, Хаким Зијех, изненадувачки се појави на егзибициски натпревар во Москва и предизвика голем број негативни коментари на социјалните мрежи.
Зијех се појави на „Откритие Арената“ во Москва, каде што ревијален натпревар играа Спартак Москва и неговите навивачи. Мароканецот направи неколку фотографии, а како што изјави, дошол да го посети својот пријател Квинси Промес.
Реакциите се за посетата на Русија, која е под санкции и суспензија на УЕФА и ФИФА, но и за дружбата со контроверзниот Промес, кој во Холандија е баран со потерница за наводен шверц на 1363 килограми кокаин. Промес за себе вели дека има „руско срце“ и веќе и официјално има поднесено барање за руско државјанство за да избегне апсење во Холандија.
Gezellig op bezoek bij crimineel Promes in fucking Moskou. Dat je een domme proleet bent, die alles voor geld doet is één, maar dit is heulen met de vijand. Promes hoefde al nooit meer in een Nederlands stadion te komen, Ziyech kan ook op de lijst. pic.twitter.com/zmoICOe29D
— Sander Schimmelpenninck (@SanderSchimmelp) June 6, 2023
Интересно, Хаким Зијех во Челзи ја дели соблекувалната со украинскиот репрезентативец Микаил Мудрик и се очекува неговата реакција за овој настан, но можеби во иднина и нема да биде така бидејќи сè погласни се шпекулациите дека Мароканецот ќе си замине од „Стемфорд бриџ“.
