Килијан Мбапе со два гола и Нејмар со две асистенции како булдожери го урнаа еврпскиот првак Баерн и покажаа зошто за нив ПСЖ плати 400 милиони евра вкупно како најскап тандем на светот, но Светците имаа уште еден голем јунак во победата од 3:2 во Минхен.
Кејлор Навас бранеше импресивно, во неколку ситуации спасуваше чисти голови и успеа да го израмни рекордот на Мануел Нојер токму на меч против него.
На Костариканецот му изброија точно 10 одбрани, исто колку што имаше Нојер во 2017 година против Реал Мадрид, и тоа е рекорд во четвртфиналните мечеви во Лигата на шампионите.
10 – No other goalkeeper has made more saves than @PSG_English's Keylor Navas 🇨🇷 in a Champions League quarter-final game since at least 2003/04 (also 10 for Manuel Neuer 🇩🇪 against Real Madrid in 2017). Heroic. pic.twitter.com/giUNHCCsZc
— OptaJose (@OptaJose) April 7, 2021
ПСЖ во одличен меч успеа да му се реваншира на Баерн за поразот во финалето лани со 0:1, но сè уште не е готово бидејќи треба да се игра и реванш во Париз на 13 април, по кој ќе биде познат патникот во полуфиналето во Лигата на шампионите.
