Арсенал и Лестер ремизираа 1:1 во меч како нарачан за двајцата најдобри стрелци во Премиер лигата. Пјер-Емерик Обамејанг погоди во 21-вата минута на дербито од 34-тото коло во Англија и ја круниса иницијативата на домаќините.
За Габонецот ова беше 20-ти гол во Премиер лигата и капитенот е и првиот играч на Арсенал по легендарниот Тјери Анри што имал учинок од 20 или повеќе голови во иста сезона во англискито првенство.
Thas was one precise pass from Ceballos to Saka that led to Aubameyang's goal! Ceballos has been immense in the last 4 games, crucial to Arsenal's resurgence.#COYG #ARSLEI pic.twitter.com/6yUiQxF77v
— Oscar (@KinotiOscar) July 7, 2020
Арсенал имаше иницијатива и неколку зрели шанси за да ја дуплира предноста уште во првото полувреме, но капитенот на Лестер, Каспер Шмајхел, бранеше извонредно.
Во второто полувреме Еди Нкетија беше исклучен во 75-тата минута, само по 240 секунди откако влезе во игра, а предноста од фудбалер повеќе ја искористија Лисиците.
Најдобриот стрелец во Премиер лигата, Џејми Варди, погоди во 84-тата минута, што му е десетти гол против Арсенал и вкупно 22-тор сезонава.
https://twitter.com/AfroBoyUg/status/1280608270898561024?s=20
Тој е на чело на листата на стрелците пред Обамејанг, а бодот што го освои Лестер не е доволен да се сочува третата позиција.
Лисиците паднаа едно место подолу по победата на Челзи против Кристал палас и сега имаат 59 бода, еден помалку од Сините од „Стемфорд бриџ“.
Арсенал не успеа да ја забележи четвртата победа по ред во Премиер лигата и остана на седмото место со 50 бода.
