Лестер со големи мотиви го пречекува Челзи во денешниот меч. Лисиците имаат шанса со три бода да се искачат на чело на табелата во Премиер лигата. Тоа ќе биде прв пат за Лестер да биде лидер во втората половина на јануари, уште од нивната историска сезона, кога станаа шампиони на Англија в0 2016 година.
По 18 одиграни средби, Лестер има 35 бода, додека лидерот Манчестер јунајтед е со 37 бодови. Вториот Сити има 35 бода, но и меч помалку.
Мотивацијата и самодовербата кај Лестер нема да недостасува, затоа што тимот во последните месец дена има одчична низа од четири победи и две нерешени, а во просек дава повеќе од два гола на меч во овој период. Желбата да се биде лидер макар и само 24 часа е голема, но за тоа треба да се победи Челзи.
Традицијата е контра Лестер во оваа ситуација, затоа што кога излегуваат на мегдан против Челзи, едноставно не може да биде „кец“. На 11 од последните 12 меча на овие два клуба, домаќинот не успеал да победи. Лестер последен пат дома се радувал против лондончаните на 14 декември 2015 година, додека Челзи дома последен пат славел на Лестер на 15 октомври 2016 година.
КАКО ИЗГЛЕДААТ ПОСЛЕДНИТЕ 12 МЕЃУСЕБНИ СРЕДБИ
Лестер – Челзи 0:1
Лестер – Челзи 2:2
Челзи – Лестер 1:1
Лестер – Челзи 0:0
Челзи – Лестер 0:1
Лестер – Челзи 1:1
Челзи – Лестер 0:0
Лестер – Челзи 1:2
Лестер – Челзи 0:3
Челзи – Лестер 3:0
Лестер – Челзи 2:2
Челзи – Лестер 1:1
