Барселона откако ја освои титулата во шпанското првенство, сега посакува сезоната да ја заврши со тројна круна, каталонците ќе бидат фаворити и во финалето од Купот на Шпанија против Валенсија, а најтешка задача ќе имаат во Лигата на шампионите, трофеј кој и најмногу го посакуваат.
Пред Барса е двомеч со ланскиот финалист Ливерпул и нема да им биде лесно на Лионел Меси и другарите. Аргентинецот врз чија форма се потпираат надежите на Барселона, никогаш не го елиминирал Ливерпул (се сретнаа во сезоната 2006/2007), а во полуфиналињата против англиските екипи кога играл Меси, Барса нема баш среќа.
