Дуелот од квалификациите за пласман на СП 2026 година кој се играше на „Маракана“ во Рио де Жанеиро меѓу Бразил и Аргентина започна половина час подоцна поради нередите кои се случија на трибините, а за целиот хаос Лионел Меси ја обвини бразилската полиција.
https://twitter.com/i/status/1727123239862976985
Социјалните мрежи се преполни со видеа на кои се гледа како бразилската полиција со пендреци мава по аргентинските навивачи, а тој потег ги натера Гаучосите да се повлечат во соблекувалните и да одбијат да играат се додека не се смират тензиите.
Heridos en Brasil vs
Argentina pic.twitter.com/JDbojEYHvL— Abogado ⚔️ (@abogadofiscal) November 22, 2023
Во еден момент, пред да се повлечат во соблекувалната, голманот на Аргентина, Емилијано Мартинес, се обидува да го одземе пендрекот на бразилски полицаец кој маваше во аргентинските фанови.
https://twitter.com/i/status/1727188509973426657
„Беше тажно бидејќи видоа како тепаат луѓе. На трибините имаше цели семејства, а бразилската полиција со пендреци тргна кон нив и тоа не ѝ е првпат. Исто така беше и пред финалето на Копа Либертадорес, кога ги тепаа навивачите на Бока. Да не се повлечевме во соблекувалната, можеби ќе дојдеше и до трагедија“, изјави Меси по мечот.
https://twitter.com/i/status/1727199171378352133
Аргентина во најголемото репрезентативно дерби славеше со 1:0 и со голот на Отаменди и му го нанесе првиот пораз историјата на Бразил на домашен терен во квалификациите за Светско првенство.
