Барселона во второто полувреме влезе со предност од 1-0 на гостувањето кај Севилја по погодокот на Дембеле кој му го намести Меси во 29-тата минута.
Аргентинецот како и секогаш го истакнува своето присуство на терените, но овојпат тоа го направи на неспортски начин. Прво во 42-та минута Меси пожолте, а само 60-тина секунди подоцна направи нов прекршок по кој секој друг играч би добил втор жолт и исклучување на натпреварот.
Судијата Ернандес реши да му прости на капитенот на Барселона иако Меси од позади го влечеше, удираше и на крајот го урна Кунде на земјата.
