Министерот за спорт, Борко Ристовски, во интервјуто во „Тема на денот“ на телевизија „Сител“, меѓу другото говореше и за срамниот ракометен куп натпревар одигран денеска помеѓу Скопје и Гевгелија, кога двата тима се трудеа да загубат.
„Го погледнав видеото и веќе в понеделник на двата клуба кои го направија тоа, ќе им биде одземема дејност за вршење спорт и нема да може да се натпреваруваат во македонскиот женски шампионат. Ќе направиме итен состанок и со ракометната федерација, за ваквото грубо кршење на спортските правила и игра, засекогаш да го ставиме под контрола“, рече Ристовски кој е поранешен прославен ракометен голман и сигурно не му е сеедно што ова се случи токму во неговиот најсакан спорт.
