На фудалерите на Монца им требаа шест кола за да го освојат својот прв бод во италијанската Серија А. Новиот прволигаш одигра 1-1 на гостувањето кај Лече, и првпат во својата дебитантска сезона како член на елитата, остана непоразен.
Стефано Сенси даде убав гол од слободен удар за водство на Монца, и тоа беше доволно да останат непоразени на „Виа дел маре“.
Удинезе победи со 3-1 на гостувањето кај Сасуоло, а интересно е што во моментот кога Илија Несторовски влезе во игра, резултатот беше 1-1. Нестор им донесе среќа на фриулијаните кои во судиското продолжение постигнаа два гола.
Удинезе има четири победи по ред, и моментно е четврти на табелата, со бод помалку од Наполи, Аталанта и Милан.
Болоња со 2-1 беше подобра од Фиорентина, и ова е прва победа за болоњезите сезонава. Вториот гол го даде Марко Арнаутовиќ, па сега Австриецот има шест гола на шест меча сезонава.
Ова е првиот гол на Сенси во дресот на Монца:
Stefano Sensi mencetak gol debutnya bagi Monza lewat tendangan bebas.#LecceMonzapic.twitter.com/NDnSIWtuoN
— Inter Story (@intermilanstory) September 11, 2022