Екипата на Јувентус со 2:0 славеше на гостувањето кај Болоња и со тоа се врати на победничките патеки во Серија А.
Како што е добро познато, тимот од Торино во минатото коло киксираше кај Специја играјќи само 1:1.
Со голот на Алваро Мората во шестата минута, старата дама го отвори овој натпревар.
Интересно е што напаѓачот постигнува три гола по ред на гости со што ја повтори серијата од 2017 година, кога настапуваше во дресот на Реал Мадрид.
3 – Álvaro Morata has found the net in three consecutive away games in the big-5 European leagues for his first time since May 2017 with Real Madrid (four in that case). Excursion.#BolognaJuve
— OptaPaolo 🏆 (@OptaPaolo) December 18, 2021
Вториот гол за Јуве беше дело на Хуан Квадрадо во 69-та минута, со што практично беше и решен натпреварот.
Со новите три бода, поранешниот првак на Италија сега има 31 и е на делба на шестото место со Рома, по 18 одиграни натпревари.
