Новак Ѓоковиќ уште еднаш ја потврди доминацијата во денешниот тенис откако без многу проблеми со 3:1 во сетови го победи Матео Беретини и го освои трофејот на Вимблдон. Во текот на целиот турнир, односно на седумте одиграни меча, Ѓоковиќ загуби само два сета и сосема заслужено стигна до шестиот трофеј на неофицијалното Светско првенство.
Ова беше вкупно 20-ти трофеј за Новак на гренслем-турнирите, со што се израмни со Рафаел Надал и Роџер Федерер, кои исто така по 20 пати биле на тронот на еден од четирите највредни тениски турнири.
И Федерер и Надал му честитаа на Ѓоковиќ, но останува тоа дека за разлика од Роџер, кој целосно фокусот го насочи кон успехот на Србинот, Шпанецот не пропушти можност да потсети дека тој веќе има 20 гренслем-титули.
„Честитки за Новак за ова неверојатно постигнување. Дваесет гренслем-титули, тоа е неверојатно што ние тројца се израмнивме во тој поглед. Секоја чест и уште еднаш честитки за тебе и за твојот тим“, напиша Надал.
Congrats @DjokerNole on this amazing achievement. 20 Grand Slam titles is huge and it is amazing that we are 3 players tied on this. Well done and, again, congrats to you and your team for this!@Wimbledon
— Rafa Nadal (@RafaelNadal) July 11, 2021
За разлика од Надал, Федерер целиот фокус на честитката го насочи кон шампионот на Вимблдон.
„Честитки Новак за освоената 20 гренслем-титула. Горд сум бидејќи имаме шанса да играме во посебна ера на тенисот. Неверојатен меч, секоја чест“, пишуваше во честитката на Федерер наменета за Ѓоковиќ.
Congrats Novak on your 20th major. I’m proud to have the opportunity to play in a special era of tennis champions. Wonderful performance, well done!
— Roger Federer (@rogerfederer) July 11, 2021