Легендарниот македонски дефанзивец, Илија Најдоски, по повод 33-годишнината од освоената светска клупска титула со Црвена ѕвезда, и тоа како капитен на Црвено-белите, даде интервју за сајтот за клубот во кој рече дека бил сигурен во победата над чилеански Коло-Коло кој тогаш беше првак на Јужна Америка.
„Потсвесно знаев дека ќе биде во ред во Токио, затоа што натпреварот се играше на денот на мојата слава и убеден бев дека Господ ќе помогне да дојдеме до победа. Мечот беше таков како што и очекував. Одигравме одлично како екипа, сите беа на феноменално ниво, и заслужено победивме. Коло Коло беше одлична екипа, но ние бевме одлични и прашањето на победникот не се доведе во прашање, иако повеќе од едно полувреме игравме со човек помалку“, раскажа Најдоски.
