Британските медиуми објавија дека Манчестер јунајтед има куса листа од три имиња што се најсериозни кандидати да ја засилат офанзивната линија на 20-кратниот англиски првак во летниот преоден рок.
Во игра за трансфер на „Олд Трафорд“ се Хари Кејн од Тотенхем, Виктор Осимен од Наполи и Бењамин Шешко од Салцбург.
Фаворит на навивачите е Кејн, а симпатизерите на Манчестер јунајтед веднаш си го вратија филмот 10-на години назад и се потсетија на случајот со Робин Ван Перси.
Холанѓанецот во август 2012 година од Арсенал, односно од Лондон дојде во Манчестер јунајтед и Црвените ѓаволи веднаш следната сезона 2012/13 ја освоија шампионската круна.
Таа им е последна, па сега се надеваат на уште еден трансфер од лондонски клуб, а Кејн е член на Тотенхем, за да им донесе титула во Премиер лигата што ја чекаат повеќе од една деценија, а би била 21-ва, рекордна во Англија.
29-year-old Harry Kane to Manchester United reminds me of a certain 29-year-old striker moving from London to Manchester and instantly winning us our 20th Premier League title.. pic.twitter.com/zJCoJrdvaa
— UtdFaithfuls (@UtdFaithfuls) January 20, 2023
