Македонската фудбалска репрезентација имаше неуспешен старт на 2024 година. Неделата посветена за националните селекции Македонија ја заврши со пораз од Црна Гора (0:1) и реми против Молдавија (1:1).
И покрај тоа што Македонија даде само еден гол во повеќе од 180 минути игра и не успеа да им донесе радост на навивачите, селекторот Благоја Милевски анализираше и дојде до заклучок: „Македонија доминираше во сите сегменти на фудбалската игра“ и „Ако Македонија во иднина изгледа вака, ќе бидам среќен“.
Токму овие изјави и констатации на селекторот беа причина за голем број негативни реакции од навивачите. Повеќе од 100 различни коментари пристигнаа на фејсбук-профилот на СпортМанија по изјавата на селекторот дека е задоволен од играта против Црна Гора и ниту еден не е позитивен.
Едноставно, сите навивачи кои решија да го дадат својот коментар по поразот од Црна Гора е дека не се согласуваат со тоа што го кажува селекторот. Ние ќе одвоиме само дел од реакциите на навивачите:
„Овој како политичарите од власта, иста матрица, изгледа ист советник користат“, „Да загубиш и да бидеш задоволен, Ццццццц. Тебе ти требаат окалки под итно“, „Абе дај си оставка, не те бива веќе“, „Не знам што гледаш, ама играте фудбал за во Ц лига во Италија…“, „Платата е битна, другото ќе биде“, „Алтан да си доминирал гол ќе дадевме, ццц и на кладилница паднав, ах бре Македонче“.
Сите реакции кои ги искажаа навивачите на нашиот ФБ-профил во врска со изјавата на селекторот Милевски може да прочитате ТУКА.
