Илјадници фудбалски навивачи денеска низ улиците на Лајпциг протестираа против планираните мерки на министерството за внатрешни работи на Германија. Навивачите на сите клубови маршираа во една заедничка поворка, без разлика дали станува збор за фанови на Баерн, Штутгарт, Лајпциг, Дрезден, Ханза Росток…
Полицијата и политичарите сакаат дополнително да ги заострат правилата за одење на стадионите за наводно да ги направат „побезбедни“, иако статистиката покажува дека германските стадиони се веќе безбедни.
Поради ова, навивачките сцени низ Германија ја гледаат својата навивачка култура во опасност и се собираат во Лајпциг за да протестираат заедно и мирно против најавените мерки.
Властите предлагаат да се направат персонализирани билети, користење на технологија за препознавање на лица, и основање на комисија за забрана за влез на стадиони.
Riesige Fan-Demonstration in Leipzig – gegen die Verschärfung von Sicherheitsmaßnahmen in Stadien, für den Erhalt der deutschen Fan-Kultur. Mehrere tausende Fans aus ganz Deutschland sind hier. @SkySportDE pic.twitter.com/Skg86KOqoW
— Kerry Hau (@kerry_hau) November 16, 2025
