Њујорк никс беше подобар од Денвер нагетс со 116-110, додека Орландо на гостувањето во Лос Анџелес го совлада Клиперс со 113-108, па оваа вечер во НБА лигата тргна со две изненадувања.
Особено неочекуван е триумфот на Магичните на гостувањето кај Клиперс, бидејќи пред овој меч Клиперс имаше четири победи по ред, и тие се тим кој се бори за место во плејофот.
Денвер е лидер на Западот, но има пет порази на последните шест меча и дефинитивно имаат пад во формата. На Никола Јокиќ вечерва во „Медисон сквер гарден“ му фалеа две асистенции за да направи трипл-дабл. Нагетс уште од октомври 2017 година немаше загубено во Њујорк.
