Светската ракометна федерација, ИХФ, ја објави најавуваната листа на резервни репрезентации кои би учествувале на СП во Египет, доколку некоја од оние што добија место се откаже од настапот, и Македонија ја стави на првото место, како прва резерва.
Македонија е најдобропласирана селекција од последното ЕП која нема обезбедено место на СП, па шансата за настап на Мундијалот останува, и сега останува да чекаме некој да се откаже. На листата на резерви се и Швајцарија, Холандија, Црна Гора, Украина и Србија.
Реално, тешко е дека ќе се откаже некој европска репрезентација, но можно е да се откаже некој африканска селекција или Бразил, па останува да почекаме до Нова Година дали сите репрезентации ќе ги започнат подготовките и да дознаеме дали Македонија ќе го продолжи континуитетот со настапи на големите натпреварувања, или сепак ќе се најдеме на собирот во јануари.
