Далас маверикс очајно го започна мечот против Сан Антонио, па гостите само по неколку минути, стигнаа до предност од 23:3. Но тим кој во своите редови има играч како Лука Дончиќ, секогаш верува дека може да се врати, а така беше и овојпат. Само по 10-тина минути, Далас не само што ја стигна негативата на противникот, туку и поведе со 36:29.
На крајот, Далас успеа и да победи, а очекувано најдобар во домашниот тим беше Лука Дончиќ, кој даде 25 поени.
Јута џез одигра одличен меч и на крајот убедливо со 122:91 го победи Хјустон на гостински терен, во еден од шесте меча кои утрово се играа во НБА-лигата. Уште од самиот старт, Џезерите покажаа дека се дојдени да победат, па по првата четвртина имаа предност од 32:18. Во продолжение на средбата, негативата во ниту еден момент не падна под 10 разлика.
Во еден момент од втората четвртина беше 54:28 за гостите, а во третиот квартал Јута стигна и до најубедливата предност од 90:64 (плус 36 поени). Најдобар во победничкиот тим беше Бојан Богдановиќ, кој за 25 минути поминати на теренот постигна 19 поени. Интересно е што Богдановиќ беше болен и неколку часа пред мечот воопшто не беше планиран да игра. Со оваа победа Јута остана единствениот тим во НБА лигата што има максимален учинок од четири победи во четири натпревари.
📹| Bojan brought his A-game tonight #TakeNote | @ZionsBank pic.twitter.com/ej68DVRCBZ
— Utah Jazz (@utahjazz) October 29, 2021
Њујорк за малку ќе направеше од готово-вересија на гостувањето кај Чикаго. Од финишот на првата четврина до крајот на мечот, гостите постојано беа во предност, а нивната позитива беше 104:91 на три минути до крајот. Сепак, наместо мирна завршница, се случи драма. Чикаго стигна до 104:103, гостите промашија две слободни фрлања и последниот напад за победа го имаа Биковите, но промашија шут за победа.
Резултати: Филаделфија – Детроит 110:102, Вашингтон – Аталанта 122:111, Чикаго – Њујорк 103:104, Хјустон – Јута 91:122, Далас – Сан Антонио 104:99, Голден стејт – Мемфис 101:104 (по продолжение).
