Фудбалерите на Сантос се радуваа во големото бразилско дерби откако минимално со 1:0 го победија Фламенго во меч од 14-тото коло на Серија А. Сантос сезонава игра слабо и се наоѓа во долниот дел од табелата, но кога беше најпотребно, во дуелот против големиот ривал, успеаја да победат, и тоа благодарение на Нејмар.
Моментот за одлука се случи во 85-тата минута, кога Нејмар доби една топка во противничкиот шеснаесетник и иако беше опколен со неколку ривали, успеа да се снајде и да го најде патот на топката до мрежата.
GOOOOOOOL DO NEYMAR!!!!! 🥶
HE GIVES SANTOS THE LEAD AGAINST FLAMENGO!!!!!!! 🇧🇷pic.twitter.com/0Lzsla25ZS
— Brasil Football 🇧🇷 (@BrasilEdition) July 17, 2025
Овој гол има и посебно значење за Нејмар. Освен победа над големиот ривал, Нејмар сега стигна до бројката од 700 гола во кариерата во кои бил директен учесник. Бразилецот вкупно има одиграно 732 натпревари, а сега има постигнато 443 гола, а има и 257 асистенции, што значи дека директно учествувал во постигнувањето на 700 погодоци. Секако дека ова е бројка за почит.
