Сцените што денес се случуваа за време на дуелот меѓу Венло и Цволе од младинската фудбалска лига во Холандија, ќе се паметат по трагикомичниот настап на 18-годишниот дефанзивец Јенс Јакобс.
Младиот Јакобс одигра толку ужасно во околу 20 минути што ги помина на теренот, што дефинитивно може да му влијае и врз самодовербата.
На теренот истрча во 12-тата минута по принудна измена на домаќините, а само 11 минути подоцна направи пенал и заработи жолт картон за непромислениот фаул, откако го собори противникот со раце во својот шестнаесетник.
De invalbeurt van Jens Jacobs:
🔁 '12 valt in
🟨 '23 veroorzaakt penalty en krijgt geel
🟥 '34 pakt zijn tweede gele kaart pic.twitter.com/HYkpjgUOMe— ESPN NL (@ESPNnl) August 21, 2022
Само десетина минути подоцна, следуваше нов аматерски прекршок на Јакобс, овојпат со остар старт го урна противничкиот играч на тревата, за да добие втор жолт и во 34-тата минута да се упати кон соблекувалњатата поради исклучување.
За работите да бидат уште потрагични, Венло беше декласиран со 0-4 од Цволе за прекин на мини-серијта од две победи во младинското холандско првенство.