Шинџи Оказаки го постигна својот прв гол во 2022 година за шпанскиот второлигаш Картагења, и тоа на брилијантен начин во последните секунди со удар со ножички против Малага.
Јапонецот, кој учествуваше во подвигот на Лестер и титулата во Англија во 2016 година, сега е член на шпанскиот второлигаш и вчера му донесе еден бод со прекрасен гол во 95-тата минута.
Малага водеше со 1:0 сè до последните моменти, но не победи поради прекрасниот гол на ветеранот, кој ќе полни 36 години идниот месец.
#JapaneseAbroad: Shinji Okazaki scored a wonderful bicycle goal for Caaragena against Malaga in the Spanish Segunda division yesterday.
Okazaki will turn 36 next month, and he is still able to deliver brilliance. https://t.co/1ZINuCbvLh
— Samurai Warrior (@SamuraiWarrio17) March 1, 2022
Оказаки е еден од најпознатите активни јапонски фудбалери и трет стрелец во историјата на неговата репрезентација.
Играше за Бундеслигашите Мајнц и Штутгарт, а потоа со Лестер стигна до подвиг, кога сосема неочекувано Лисиците ја освоија првата титула во Премиер лигата во 2016 година.
За Јапонија има одиграно 119 натпревари со 50 постигнати голови.
