Јапонија приреди два неверојатни подвига со победи со пресврт против Германија и Шпанија, а притоа беше апсолутно инфериорна репрезентација и на двата меча имаше многу помал посед на топката од двата гиганти.
Во првото коло против Германците ја имаа топката в нозе само 26 отсто и сепак победија со 2:1, а вчеравечер во последното коло во фазата по групи беа уште послаби во тој сегмент.
Пресметано е дека против Шпанија имаа посед на топката од 17,7 отсто, што е најнизок процент во историјата на Светските првенства за победник на меч.
И повторно и против Црвената фурија губеа со 0:1 по првото полувреме и потоа победија со 2:1.
https://twitter.com/ESPNFC/status/1598429236733288473?s=20&t=LVmNkLjf4-2iEkm2KXI5wg
Самураите со шест бода го освоија првото место во Е групата и во осминафиналето на 5 декември од 16 часот ќе играат против Хрватска.
Шпанија како второпласирана од Е групата за ривал во првиот сегмент од нокаут-фазата ќе го има Мароко. Тој меч ќе се игра исто така од 16 часот, но на 6 декември.