Аргентинецот Нико Паз кој игра за Комо, не е напаѓач, но сезонава е најефикасен млад фудбалер (до 21 година) во Топ 5 лигите во Европа.
Паз вечерва даде два гола на гостувањето кај Лацио и придонесе за победата на Комо од 3-0. Нико сега има 8 голови сезонава и втор стрелец е во Серија А, зад сонародникот Лаутаро Мартинес. Освен осумте погодоци, Нико има и шест асистенции.
Тој вечерва можеше да направи и хет-трик, но утна пенал. Со победата на „Олимпико“, Комо се зацврсти на шестата позиција на табелата, и има два бода помалку од петтиот Јувентус.
