Ник Кирјос се пласира во второто коло на Мареј ривер опен откако со 6:2, 7:6 го победи Хари Буршер. Дуелот го одбележа скандалот кој повторно го направи Кирјос.
Во завршницата на вториот сет, при еден обид Кирјос да сервира, поминаа 25-те секунди предвидени за сервис, па судијата јавно го опомена тенисерот дека не треба толку да се задржува за еден сервис. Кирјос толку многу се налути, што седна на столчето и одби да продолжи да игра.
Drama Down Under 😬
Kyrgios didn’t enjoy receiving a time violation for this…#MurrayRiverOpen pic.twitter.com/9UHOlnWfZV
— Tennis TV (@TennisTV) February 3, 2021
На теренот се појавија и организаторите кои започнаа да го молат Кирјос да продолжи да игра.
„Доволно пари имам загубено од вакви судии“, викаше Кирјос, кој на судијата му покажа дека тој е само статист на мечот кој треба да се грижи сè да помине во најдобар ред.
По неколку минути убедување, Кирјос продолжи да игра и го доби вториот сет, а со тоа и мечот. Во второто коло Кирјос ќе игра против Борна Чориќ.
