Новак Ѓоковиќ попладнево требаше да игра против Гаел Монфис во Париз, но тој дуел нема да се игра бидејќи Французинот го предаде мечот поради повреда, па Србинот имаше време преку социјалните мрежи да им го честита празникот Дивали на сите кои го празнуваат овој важен и голем ден за сите Индијци.
Во Индија живеат над 1,3 милијарди луѓе, па со честитката до нив, најдобриот тенисер на светот направи одличен потег и сигурно привлече голем број фанови во таа огромна азиска земја.
