Црвена ѕвезда во новата сезона ќе биде посилна за Диего Фалчинели кој доаѓа на едногодишна позајмица од тимот на Болоња. Напаѓачот доби уникатен начин на промоцијаво српскиот првак, а целиот клип беше во мотивите на планетарно популарната шпанска серија „La casa de papel“.
Играчот облечен во црвен скафандер излегува од италијанската амбасада, а е маскиран како што се луѓето во популарната серија. Маскираниот влегува во автомобил и заминува директно во соблекувалната на Црвена ѕвезда.
Фалчинели има 29 години, а минатата сезона ја помина како позајмен во Перуџа во Серија Б. На 27 меча даде три гола. Доколку Црвена ѕвезда реши да го задржи Фалчинели и следната сезона, ќе треба да плати два милиони евра оштета на Болоња.
https://twitter.com/i/status/1304019266392514560
