Њукасл летово прилично добро се поднови со три нови имиња за кои беа потрошени 66 милиони евра. Новите членови на Страчките се дефанзивците Свен Ботман и Метју Таргет, како и голманот Ник Поуп, но дојде редот да се освежи и нападот.
Претходно во јануари годинава со трансферот на Бруно Гимараес, Њукасл постави клупски рекорд со сумата од 40 милиони евра, а сега исто толку ќе троши за еден од Дуван Запата од Аталанта, или за Александер Исак од Реал Сосиедад.
И двајцата се проценети на 40 милиони евра, што за Њукасл не претставува проблем и веќе се остварени контакти со калчолигашот, односно шпанскиот прволигаш.
