Конор Филдс, американскиот велосипедист на БМХ трките, мораше на носилки да биде изнесен по падот за време на квалификациите на ЛОИ во Токио. Филдс е актуелен олимписки првак од Игрите во Рио де Жанеиро, а и во Токио беше прв фаворит за златото.
По две квалификациски рунди, Американецот беше на четвртото место, а по еден скок во третата трка, незгодно падна. По него паднаа уште двајца возачи, но, за среќа, тие немаа посериозна повреда.
https://twitter.com/i/status/1420943011547070469
Филдс остана да лежи на патеката, а лекарите брзо реагираа и по неколку минути давање прва помш, го ставија на носилки и го изнесоа. Иако имаше обезбедено место во финалето, актуелниот олимписки првак немаше шанса да го брани тронот.
