Чудесни се Орлите од Франкфурт, го победија и Вест хем и летаат кон финале во Лигата на Европа (Видео)

Ајнтрахт Франкфурт гази безмилосно во Лигата на Европа и е на прагот на финалето по победата против Вест хем во Лондон, вечерва со 2:1 во првиот дуел од полуфиналниот двомеч.

Лајпциг го победи Глазгов ренџерс на домашен терен со 1:0, па поблиску е варијантата да има германско финале на 18 мај во Севилја.

Ајнтрахт поведе со голот на Кнауф во 50-тата секунда и тоа е еден од најбрзите голови сезонава во Лигата на Европа.

Мајкл Антонио израмни на 1:1 во 21-вата минута, но сепак Ајнтрахт победи со 2:1, а стрелец на последниот гол на мечот беше Камада во 51-вата минута.

Интересно е што популарните Орли од Франкфурт ги победија сите противници во нокаут-фазата на гостински терен, а претходно паднаа и Бетис и Барселона.

Со голот на Ангелино во 85-тата минута вечерва славеше и вториот германски тим Лајпциг на домашен терен против Глазгов ренџерс.

Реваншите се во Франкфурт и Глазгов на 5 мај.

Во првите полуфинални натпревари во Конференциската лига, Феенорд го победи Марсеј со 3:2 во Ротердам, а Лестер и Рома одиграа нерешено, 1:1 во Англија.

Реваншите се на петти мај во Марсеј и во Рим.

 

 

 

- Оглас -

Најнови вести