Некогашниот европски и светски првак Црвена ѕвезда и ова лето ќе има свој камп во Македонија. Веќе традиционално, четврта година по ред, српскиот гигант во соработка со фудбалската школа „Форца“ од Скопје ќе има свој летен камп во главниот град на Македонија.
Под мотото „Оствари го својот сон, биди Ѕвездина ѕвезда“, од 22 до 26 јуни, нашите фудбалски таленти ќе имаат можност на кампот да ги покажат своите вештини и да се наметнат како некои идни суперѕвезди во таборот на некогашниот европски владетел Црвена ѕвезда.
„Горди сме што долгогодишната работа на нашиот клуб сѐ повеќе излегува на виделина и е препознаена од еден од најголемите клубови на Балканот, Црвена ѕвезда. По воспоставувањето на техничко-деловната соработка во 2022 година и успешно реализираните кампови за скаутирање млади таленти „Оствари го својот сон, биди Ѕвездина ѕвезда“, најавуваме дека по четвирти пат ќе се организира летниот камп, од кој во претходните години голем број деца од нашата школа добија можност да бидат дел од подготовките на ФК Црвена ѕвезда, да учествуваат на меѓународни турнири и да присуствуваат на пробни тренинзи во Белград, каде што имаа можност да ги покажат своите квалитети. Дел од нив веќе официјално го направија следниот чекор во својата фудбалска кариера: Горазд Ристовски, Михајло Павлов, Марин Крстевски и Коста Георгиевски, кои веќе одреден период се официјални членови на ФК „Црвена ѕвезда“ и настапуваат за нивните младински тимови“, велат од ФК Форца, додавајќи дека на радарот на Црвено-белите се уште неколку македоски таленти кои во иднина може да го продолжат патот на Горазд, Марин, Михајло и Коста.
За сите детали околу пријавувањето на овој летен камп може да се ИНФОРМИРАТЕ ТУКА.
