Францускиот ракометен репрезентативец Беноа Кункуд ноќта помеѓу понеделникот и вторникот се најде во полициска станица во Париз, под обвинение за обид за сексуален напад врз девојка во ноќен клуб.
Кункуд претерал со славењето на европската титула на Франција, па откако во понеделникот целата репрезентација беше на прием кај Емануел Макрон, заминал да се забавува, но очигледно претерал.
Французинот во моментов е под истрага и не е задржан во притвор, но секако ќе биде во големи проблеми. Тој настапи и на дуелот против Македонија во групната фаза, а откако играше за ПСЖ, сега е дел од полскиот Кјелце.
