Само пред една недела против Рома, Иско не се најде ниту на клупата за резерви кај Реал Мадрид, а вечерва на дуелот од Купот против Мелиља тој ќе биде со капитенската лента. Иско првпат ќе биде стартер откако на клупата седна тренерот Сантијаго Солари. Последен пат во почетниот состав Иско беше на гостувањето кај Барселона, во дебаклот од 1-5.
Мечот не е многу важен, но Солари ќе има даде шанса на „отпишаните“, како Иско, Кејлор Навас и Маријано Дијас, кои воопшто или речиси воопшто не му се во плановите за мечевите од првенството и Лигата на шампионите. Иско во дресот на Реал има 254, а Навас 148 меча.
Иско беше незаменлив стартер кај Лопетеги, но Солари повеќе му верува на Лукас Васкес. Викендов против Валенсија, Иско играше 10 минути, влезе на местото на Себалјос. Одморот за Рамос, Марсело, Карвахал, Модриќ, Варан и Бензема значи дека судбината сака Иско да ја има честа да биде капитен.
