Дома Blog Страница 101

Европската држава со само 34.000 жители формира фудбалска репрезентација

Трајан Маневски
-
0
Европската држава со само 34.000 жители формира фудбалска репрезентација

Фудбалсите семејства на УЕФА и ФИФА ќе се прошират, откако е најавено создавање на уште една репрезентација. Една од најмалите земји во светот, Сан Марино формираше женска сениорска фудбалска репрезентација.

Веќе со години, машката фудбалска репрезентација е на последното место на ФИФА листата и важи за најслабата селекција во светот, а од сега ќе има свој преставник на ФИФА листата и во женска конкуренција.

Сан Марино е земја која има едвај 34.000 жители и е опкружена со Италија. Првично, репрезентацијата на Сан Марино ќе започне со настапи во најслабата група од Лига на нации, а наскоро се очекува да дебитира и во квалификации за големи натпреварувања. Јасно е дека против кого и да играат, фудбалерките на Сан Марино ќе бидат аутсајдери.

Честа да биде прв селектор на жеснакат фудбалска репрезентација на Сан Марино ќе биде Џулија Доменичети. Во план е формирање и на селекции на У19 и У17, што само е најава дека започнува ерата на една нова европска фудбалска репрезентација во женска конкуренција.

Нов малер за Тотенхем: Заврши сезоната за Мохамед Кудус

Никола Ѓуровски
-
0
Нов малер за Тотенхем: Заврши сезоната за Мохамед Кудус

Тотенхем доби лоши вести во трката за опстанок во Премиер лигата. Мохамед Кудус доживеа компликации во процесот на опоравување од повреда, со што дополнително се усложни неговата сезона, но и настапот на Светското првенство.

Репрезентативецот на Гана е надвор од терените уште од јануари поради повреда на квадрицепсот, а првично се очекуваше да се врати во март.

Кудус неодамна почна со тренинзи со тимот, што донесе оптимизам дека неговото враќање е блиску. Сепак, од клубот сега потврдија дека се појавил нов проблем.

„Можеме да потврдиме дека Мохамед Кудус има компликации во опоравувањето. Се врати на тренинзи минатата недела, но сега ќе бидат потребни дополнителни прегледи, а можно е и оперативно лекување“, соопштија од Тотенхем.

Клубот не прецизираше колку долго ќе отсуствува, но според достапните информации, паузата може да трае и до три месеци доколку биде потребна операција. Ова значи дека сезоната за него е завршена.

Оваа вест е голем удар и за репрезентацијата на Гана пред Светското првенство. Кудус е еден од клучните играчи на националниот тим, за кој има 13 голови во 46 настапи, и сега се наоѓа во трка со времето за да биде подготвен за Мундијалот.

НБА маратон во Полноќниот експрес (Фото)

Никола Ѓуровски
-
0
НБА маратон во Полноќниот експрес (Фото)

Полноќниот експрес има неверојатна понуда. Дури 15 натпревари од НБА лигата се на програмата во претстојната ноќ, и се разбира, имаат свое значајно место во понудата на Sport Life.

Бостон селтикс и Сан Антонио спарс се големи фаворити пред своите гледачи, а се очекува триумф и на Орландо меџик на гости кај Чикаго.

Има многу зицери, огромна понуда, но исто така и тимови кои би можеле да направат изненадување што ќе го поддржите. Изборот е ваш…

Шок, ненадејно почина помошник селекторот на Полска

Трајан Маневски
-
0
Шок, ненадејно почина помошник селекторот на Полска

Фудбалска Полска е во шок и тага, откако ненадејно почина помошник селекторот на репрезентација, Јачек Магера. Некогашниот дефанзивец немал никакви претходни здравствени проблеми, а утрово рано наутро околу 7 часот излегол надвор да трча и вежба.

Додека Магера трчал во паркот Грабишињски во градот Вроцлав, ненадејно му се слошило и паднал. Веднаш била повикана Брза помош и Магера бил однесен во болница, каде лекарите еден час се обидувале да го реанимираат и да го спасат, но за жал на крајот се случило најлошото.

Сопругата на Јачек била загрижена кога видела дека нејзиниот сопруг не се вратил навреме од утринското трчање, а подоцна ја дознала трагичната вест.

Магера кој имаше само 49 години, пред помалку од две недели ја имаше последната активност со селекцијата на Полска. Во баражот за пласман на СП 2026, Полска прво ја победи Албанија со 2:1, но во финалето на 31 март, загуби на гости од Шведска со 3:2.

Баерн Минхен остана без големиот талент Ленарт Карл за реваншот со Реал Мадрид

Никола Ѓуровски
-
0
Баерн Минхен остана без големиот талент Ленарт Карл за реваншот со Реал Мадрид

Младиот офанзивец на Баерн Минхен, Ленарт Карл, се соочи со неочекуван удар, повреда на мускулот што ќе го оддалечи од терените во наредниот период.

Веста ја потврди баварскиот гигант, но без конкретна прогноза за должината на паузата. Станува збор за повреда на бутниот мускул, што практично значи дека Ленарт сигурно ќе го пропушти реваншот против Реал Мадрид, а неговиот настап во евентуалното полуфинале во Лигата на шампионите останува неизвесен.

Сезоната за 18-годишниот талент беше вистинска приказна за пробив. По повредата на Џамал Мусијала, Ленарт Карл доби шанса која максимално ја искористи. На 36 настапи постигна девет погодоци и забележа седум асистенции, бројки што го вметнаа меѓу најпријатните изненадувања во составот на Баерн.

Со договор кој го врзува за клубот до 2029 година, јасно е дека во Минхен сериозно сметаат на неговиот развој. Но, на краток рок, стручниот штаб ќе мора да бара нови алтернативи.

За реваншот ротив Реал Мадрид, изборот најверојатно повторно ќе падне на Серж Гнабри, додека опција е и вклучувањето на Мусијала во стартниот состав.

Македонија со победа над Турција обезбеди пласман во следната фаза од мундијалските квалификации

Трајан Маневски
-
0
Македонија со победа над Турција обезбеди пласман во следната фаза од мундијалските квалификации

По триумфот од 6:3 во дуелот против Турција, футсал репрезентацијата на Македонија обезеди место во главната рунда од квалификациите за учество на Светското првенство.

Македонските репрезентативци одлично го отворија натпреварот и на половина од првото полувреме имаа предност од 3:0.

Избраниците на селекторот Газменд Хисејини првиот гол го постигнаа по само 91 секунда од играта, а стрелец беше Таулант Исмаили.  Во деветтата минута Тони Киревски зголеми на 2:0, а во 12-тата, Бурак Угурлу ја погоди сопствената мрежа за водство на Македонија од 3:0.

Во 18. минута Умур Агир намали на 3:1, а само две минути подоцна Марио Благоевски се запиша меѓу стрелците за предност од 4:1.

По убедливото водство следуваше опуштање во нашите редови, а тоа го искористи противникот и за само дваесетина секунди преку Бурак Угурлу постигнаа два гола и намалија на 4:3.

Но, тоа беше сигнал македонските репрезентативци повторно да заиграат на највисоко ниво што резултираше со нови два погодоци за убедлива победа.

Во 33. минута, Јакуп Рамадан зголеми на 5:3, а на минута и пол пред крајот на мечот, нов погодок на Киревски за конечни 6:3 и сигурен пласман во вториот круг од квалификациите за Светскиот куп.

Во последното коло противник ни е домаќинот на турнирот Литванија и за освојување на првото место потребен ни е најмалку нерешен резултат.

Натпреварот се игра в недела со почеток во 16 часот.

Дидие Дешан е сериозен кандидат за нов тренер на Реал Мадрид

Никола Ѓуровски
-
0
Дидие Дешан е сериозен кандидат за нов тренер на Реал Мадрид

Селекторот на Франција, Дидие Дешан, сериозно се вклучува во трката за нов тренер на Реал Мадрид, открива „РМЦ Спорт“.

Според француските медиуми, интересот за Дешан не е изолиран случај, повеќе европски клубови го следат неговиот статус, но Kралскиот клуб веќе го позиционирал меѓу главните кандидати за клупата.

Во Реал Мадрид ситуацијата е далеку од идеална по заминувањето на Карло Анчелоти минатиот јуни. Тимот никако да пронајде континуитет, a Алваро Арбелоа, кој ја презеде функцијата во јануари, се соочува со ризик сезоната да ја заврши без значаен трофеј, додека пред него Чаби Алонсо кратко се задржа и беше разрешен по само седум месеци.

Во ваков амбиент, раководството активно бара стабилно и докажано решение, a Дешан се издвојува токму поради своето искуство, авторитет и победнички менталитет. Неговото педигре зборува само за себе, успеси со Монако, Јувентус и Марсеј, како и светска титула со Франција во 2018 и финале во 2022 година.

Дополнителен адут е неговата блиска релација со дел од француските ѕвезди во Мадрид, пред сè со Килијан Мбапе, кој има сè поголемо влијание во клубот. Токму неговото незадоволство во периодот со Чаби Алонсо се споменува како фактор во соблекувалната, додека со Дешан има докажано одлична соработка на репрезентативно ниво.

Разврската би можела да дојде побрзо од очекуваното и евентуална елиминација од Лигата на шампионите би го забрзала процесот на промени на „Сантијаго Бернабеу“.

Сепак, Дешан засега останува воздржан. Иако има важечки договор со Фудбалската федерација на Франција, конечната одлука за својата иднина планира да ја донесе по Светското првенство 2026. Во меѓувреме, интересот не доаѓа само од Европа, туку сериозна понуда има и од Саудиска Арабија.

Јасно е дека неговото заминување од клупата на Франција по Мундијалот ќе означи крај на една ера, а како најлогичен наследник веќе се наметнува Зинедин Зидан.

Јувентус го продолжи договорот со Спалети до 2028 година

Никола Ѓуровски
-
0
Јувентус го продолжи договорот со Спалети до 2028 година

Италијанскиот фудбалски гигант Јувентус испрати јасна порака за стабилност и амбиција, откако ја продолжи соработката со искусниот стратег Лучијано Спалети до 2028 година.

Старата дама реши да му ја довери иднината на човек кој веќе една деценија е синоним за тактичка зрелост и авторитет, а самиот Спалети не ја криеше емотивната врска што ја изградил со клубот за релативно кратко време.

„Кога дојдов пред седум месеци, ова изгледаше како едно внимателно ‘запознавање’, период во кој двете страни ќе се почувствуваат и ќе видат дали се создава вистинска хемија. Без двоумење прифатив, љубопитен да го запознаам Јувентус одвнатре. Големината на клубот секогаш била јасна, но она што навистина ме освои е духот на оваа екипа, сплотеноста, гладот за успех и желбата да растеме заедно. Јуве ми е во мислите секој ден, па одлуката да останам уште две години беше природен чекор“, истакна италијанскиот стратег.

Со овој потег, Јувентус не само што обезбедува континуитет на клупата, туку и испраќа силен сигнал дека гради долгорочен проект со јасна визија и стабилна рака на кормилото.

Манчестер сити ќе понуди 100 милиони евра за ѕвездата на Нотингем Форест

Никола Ѓуровски
-
0
Манчестер сити ќе понуди 100 милиони евра за ѕвездата на Нотингем Форест

Англискиот премиерлигаш Манчестер сити ќе претрпи важни промени на лето. Капитенот Бернардо Силва ќе замине по истекот на договорот како слободен играч, а засега не е познато каде ќе ја продолжи кариерата. Исто така, неизвесно е дали Родри ќе потпише нов договор, што би можело да доведе и до негова продажба, а во редот чека Реал Мадрид.

Пеп Гвардиола не сака да чека разврска, па дал зелено светло клубот да тргне по Елиот Андерсон.

Играчот на Нотингем Форест е голема желба на Гвардиола и важи за еден од најдобро оценетите играчи од средниот ред во Премиер лигата. Се наведува дека неговата цена изнесува најмалку 100 милиони евра.

Според информациите, и сопственикот на Нотингем Форест, Евангелос Маринакис, лично му порачал на Андерсон дека ќе учествува во преговорите доколку стигне сериозна понуда од Манчестер.

Интересно е што тој е поврзуван и со Манчестер јунајтед, но наводно самиот играч повеќе би сакал трансфер во Сити.

Од „Етихад“ пристигнуваат информации дека Андерсон е планиран како долгорочно решение, независно од исходот на преговорите со Родри, поради заминувањето на Бернардо Силва и неизвесната состојба со повредата на Матео Ковачиќ.

Андерсон има 23 години, а во Нотингем Форест пристигна од Њукасл Јунајтед за 41 милион евра. Сега се проценува дека би можел да чини и повеќе од двојно.

Интер ќе стори сѐ да го задржи Чалханоглу и следната сезона

Никола Ѓуровски
-
0
Интер ќе стори сѐ да го задржи Чалханоглу и следната сезона

Италијанскиот калчолигаш Интер има намера да го задржи играчот од средниот ред Хакан Чалханоглу и подготвен е повторно да го одбие интересот од страна на Галатасарај во следниот трансфер период, исто како и минатото лето, пишува „Газета дело Спорт“.

32-годишниот Чалханоглу има нешто повеќе од една година од актуелниот договор со Интер, кој истекува во летото 2027 година. Турскиот репрезентативец помина девет сезони играјќи во Милано, од кои последните пет во дресот на Нераѕурите. Тој повеќепати беше поврзуван со трансфер во Галатасарај, но понудите на турскиот клуб беа одбиени во изминатите трансфер периоди.

Раководството на Интер смета дека Чалханоглу е лидер во средниот ред и дека може да помогне во одржување на високо ниво и континуитет, особено ако тимот доживее поголеми промени во летниот преоден рок. Засега не е јасно дали тој ќе потпише нов договор или ќе замине по истекот на сегашниот, но сигналите укажуваат дека Интер не сака да го загуби во претстојното лето.

1...100101102...10.802Страна 101 од 10.802