Без наслов - Страница 10652

Нема ВАР систем, Шкендија поведе со сомнителен погодок

Зоран Поповски

-

21.10.2018

Шкендија води со 1:0 против Вардар во големото дерби на македонското првенство, но се чини дека голот на Изаир Емини не е регуларен, бидејќи топката по неговиот удар со глава не ја мина гол-линијата со целиот обем.

Вардарци се уште протестираат, но главниот судија Марјан Маркоски нема да ја промени одлуката, па гостите ќе заминат на одмор со предност.

Бесарт Ибраими центрираше во последните моменти од првиот дел, а Емини упати удар со глава. Топката ја фати Гачевски негде на гол-линијата, но во нашето првенство нема ВАР систем, ниту можност да се прегледуваат спорните моменти, па домаќините мораа да тргнат од центар.

Вардар има мака во дефанзива, нема проблем тука е Гачевски

Зоран Поповски

-

21.10.2018

0

Филип Гачевски брани извонредно на дербито против Шкендија и веќе одбрани два чисти зицери на Имери и на Ибраими и не дозволи предност на шампионот.

Најпрво како мачка реагираше на почетокот на мечот и на извонреден начин му го одбрани ударот на Имери, а потоа беше подобар и во дуелот со најдобриот стрелец кај нас Бесарт Ибраими.

Голманот на Вардар брани во животна форма, па и денеска потврдува дека не се случајни само 4 примени голови на 9 натпревари, убедливо најмалку во домашното првенство.

Фрозиноне за 90 минути постигна голови како за 8 кола

Зоран Поповски

-

21.10.2018

0

Во меч со пресврти Фрозиноне и Емполи одиграа нерешено, 3:3 и си поделија по еден бод во дербито на дното во Серија А.

Домаќините се разиграа и постигнаа еднаков број на голови, колку во сите 8 кола претходно, а интересно од вкупно 6 погодоци пет ги постигнаа во поседните две рунди. На Торино му дадоа два во претходното 8. коло,а денеска беа уште поефикасни.

И двапати водеа, со 1:0 и 3:2, но на крајот стасаа само до вториот бод во првата сезона во Серија А.

Јаховиќ се врати со гол по суспензијата

Зоран Поповски

-

21.10.2018

0

Адис Јаховиќ ја одработи казната од два меча по исклучувањето во меч од купот на Турција и со гол од пенал му обезбеди еден бод на Коњаспор на гостувањето кај Ризе.

Македонскиот интернационалец влезе во игра од клупата на почетокот на второто полувреме, а погоди од белата точка во 81. минута. Доволно за израмнување на 1:1 и еден бод за гостите.

Лани, Јаховиќ беше еден од најдобрите стрелци во турското првенство и тоа со настапи за два клуба, Гезтепе и Коњаспор.

Волците се последна шанса за опстанок на Функел

Зоран Поповски

-

21.10.2018

0

Фридхелм Функел е блиску до отказ во Фортуна Диселдорф, а веројатно кобен за него ќе биде дебаклот од Ајнтрахт Франкфурт. Тимот што од клупата го предводеше во првата деценија од овој век го декласира неговиуот сегашен клуб со 7:1, што е најава за разделба со тренерот.

Функел има само една победа со Фортуна во Бундеслигата и е на дното, па раководството најави дека се ближи разделбата. Единствена шанса е триумф против Волфсбург во следното коло, но ниту три бода против популарните „Волци“ не е сигурна добитна комбинација за тренерот на Фортуна.

Функел му беше тренер на Александар Васоски во Ајнтрахт и е познат како добар стратег за дефанзива, но во 8 кола во Бундеслигата, Фортуна има примено најмногу голови од сите екипи, вкупно 18.

Франка и Морено останаа заедно – Дербито „Дела Мадонина“ е повеќе од фудбалска страст

Зоран Поповски

-

21.10.2018

0

Приказните за големото италијанско дерби меѓу Интер и Милан се многубројни, а фудбалската страст кога играат градските ривали на истиот стадион со две различни имиња е неверојатна.

Имаше и предвоени дербија и неверојатни пресврти од 4:1 до 5:6, а во различни периоди двете екипи имаа свои моменти на доминација.

Една од многубројните приказни која ја отсликува страста на дербито на Милано, или популарната „Дела Мадонина“ е за Франка и Морено.

Љубовта на младиот пар од Милано беше сериозно загрозен во 1977 година. Договорот е ќе има брак ако победи Интер. Франка е голем навивач на „нераѕурите“ и има право на избор. Триумф на нејзиниот тим значи брак со љубовта на својот живот, Морено. Момчето е страстен симпатизер на Милан и триумф на неговиот миленик значи дека ќе треба да си ја побара среќата со друга девојка.

Мечот заврши без голови, а Франка и Морено останаа заедно, како што Интер и Милан и нивните навивачи имаат многу заеднички работи. Страста кон фудбалот, огромната љубов кон своите клубови, заеднички стадион, богата историја и колекции од трофеи.

Вечер од 20,30 часот се почнува одново, на ред е 299. дерби „Дела Мадонина“, а победниците долго ќе слават успех над вечниот ривал. За поразените останува некоја нова шанса да се биде главен во градот Милано.

Ракитиќ: Не е сеедно, без Меси Барса е поинаков тим

Зоран Поповски

-

21.10.2018

0

Лионел Меси ќе го пропушти „Ел Класико“ по лошиот пад и повредата на рамото, што е голем хендикеп за Барселона. Има скршеница на коска на рамото и нема да игра против Реал Мадрид идниот викенд.

„Не е сеедно. Без Меси и со него Барселона е сосема поинаков тим. Мораме некако да го надоместиме неговото отсуство и да најдеме начин да го победим е Реал. Нема да не залаже лошата форма на ривалот“, вели Иван Ракитиќ.

Меси веројатно ќе отсуствува еден месец, ако рехабилитацијата оди според планот.

Падна „кралот“ со кралски дочек за Барди и Леванте (Видео)

Зоран Поповски

-

21.10.2018

0

Енис Барди и соиграчите од Леванте беа пречекани на кралски начин, откако го урнаа „кралот“ во Мадрид. Реал беше поразен со 2:1 на Сантијаго Бернабеу“, што е вистинска сензација на играчите од Валенсија.

По цели 11 години Леванте беше подобар од Реал Мадрид, а интересно е што Барди во две сезони колку што игра во Ла Лига има победи и против Реал Мадрид и против Барселона. „Скалпот“ на двата гиганти на шпснакиот и на светскиот фудбал вредат многу, па спектакуларниот дочек е сосема заслужен.

https://twitter.com/LevanteUD/status/1053716625009065984

Дава по пет гола на меч, вреди само 6 милиони евра

Зоран Поповски

-

21.10.2018

0

Раководството на Ајнтрахт Франкфурт имаше извонреден сенс за добар бизнис и ќе го откупи договорот на Лука Јовиќ за само 6 милиони евра.

Младиот српски напаѓач блеска во Бундеслигата, а во петокот сам и даде пет гола на Фортуна од Диселдорф, со што стана најмладиот играч во германско првенство со петка на еден меч.

Вистински губитници во целата ситуација се популарните „орли“ од Лисабон. Бенфика го купи Јовиќ за 6,5 милиони евра од Црвена Звезда, но во клубот немаа трпение да му дадат вистинска шанса на Јовиќ.

Како 17-годишник го позајмија на Ајнтрахт со договор меѓу двата клуба, Германците да можат да го откупат комплетно играчот за 6 милиони евра. Така тврди „А Бола“, иако се шпекулираше дека цената ќе биде 12 милиони евра.

Ајнтрахт воопшто не размислува и ќе го откупи договорот за играчот што белска во Бундеслигата. Јовиќ веќе постигна 9 голови на 10 меча во новата сезона, а беше стрелец и во финалето на купот против Баерн во Берлин, во сензационалниот триумф на „орлите“ од Франкфурт.

12 фудбалери кои ги бранеле боите на Интер и на Милан

Томас Ѓорѓиевски

-

21.10.2018

0

Миланското дерби по долги години е повторно „хит“ во Италија. Двете екипи доведоа неколку квалитетни играчи со кои можат повторно да бидат конкурентни за Скудетото, во оваа или во наредните неколку сезони. Иако сегашните играчи не можат да се споредуваат со великаните кои некогаш ги бранеле боите на овие екипи, ќе се обидат да го вратат стариот сјај на „Дерби дела мадонина“.

Иако градки ривали, Интер и Милан низ годините немале проблем да разменат играчи, ниту пак да ангажираат некој играч кој во својата кариера играл за едната или другата екипа. Такви има неколку, а меѓу нив се „Ил феномено“ Роналдо, Златан Ибрахимовиќ, Андреа Пирло, Кларенс Сидорф…

12 фудбалери кои ги носеле дресовите на Интер и на Милан:

Патрик Виера – Милан 1995/1996, Интер 2006/2010

Кларенс Сидорф – Интер 2000/2002, Милан 2002/2012

Ернан Креспо – Интер 2002/2003; 2006/2009, Милан 2004/2005

Златан Ибрахимовиќ – Интер 2006/2009, Mилан 2010/2012

Роналдо Назарио – Интер 1997/2002, Mилан 2007/2008

Андреа Пирло – Интер 1998/2001, Милан 2001/2011

Кристијан Виери – Интер 1999/2005, Милан 2005/2006

Едгар Давидс – Mилан 1996/1997, Интер 2004/2005

Тарибо Вест – Интер 1997/1999, Милан 2000/2001

Марио Балотели – Интер 2007/2010, Милан 2013/2014; 2015/2016

Сулеј Мунтари – Интер 2008/2012, Милан 2012

Франческо Коко Милан 1995/2002, Интер 2002/2007

Вечерва се очекува спектакл, Интер и Милан ќе се судрат по 222. пат на „Сан Сиро“, во овој случај на „Џузепе Меаца“, бидејќи „нероаѕурите“ се во улога на домаќини.