Дома Blog Страница 10678

Торонто и Јута се тркаа кој ќе биде поефикасен, настрадаа Сакраменто и Њу Орлеанс

Зоран Поповски
-
0

Торонто репторс ги декласираше Њу Орлеанс пеликанс разлика од 15 поени, 134:119, а уште поубедливи беа Џезерите од Јута против Сакраменто кингс.

Јута славеше со неверојатна разлика од 39 поени, 132:93, а во составот имаше дури шестмина кошаркари со двоцифрен учинок. Ги предводеше центарот Руди Гобер со 18 поени, а веднаш зад  него е Алек Буркс со 17.

Со ист учинок од 17 поени кај Сакраменто најефикасен беше Марвин Бегли. Интересно е што домаќините во првиот период едвај ја минаа двоцифрената граница со постигнати 10 поени и примени дури 32 од расположените кошаркари на Јута.

Гостите предводени од Паскал Сиакам и од Малачи Ричардсон, кои постигнаа по 21 поен, забележаа победа и во Њу Орлеанс. Торонто имаше негатива од шест поени по првиот период, но потоа ги доби следните три и победи со разлика од 15 поени.

Кај поразениот тим и на мечот најефикасен беше Ентони Дејвис со 36 поени, комбинирани со 15 скокови. Џулиус Рендл постигна 20 поени.

 

На Русија и на Шведска не им се играше фудбал

Зоран Поповски
-
0

Русите упатија само еден директен удар кон голот на Робин Олсен, Швеѓаните еден повеќе кон голот на Гилјерме за досаден меч во Калининград и реми без голови.

Ривалите од втората група во сегментот Б во Лигата на нациите ги разочараа гледачите, а мечот наликуваше на вистинска приспивна приказна.

Русите кои имаат значајна победа на гости против Турција донекаде и можеа да си дозволат да играат претпазливо, но разочараа заедно со Швеѓаните. Гостите пристигнаа во Русија со пораз од Турција на свој терен и се очекуваше да одат на победа, но заедно со домашната селекција не создадоа ниту една зрела шанса за гол.

По две кола во оваа група, Русија има 4 бода, пред Турција со три и Шведска само со еден бод.

Познато е кого гледаше Мурињо во Подгорица

Златко Јуруковски
-
0

Присуството на португалскиот стручњак Жозе Мурињо на средбата Црна Гора – Србија изненади многумина, а според српските медиуми, Специјалниот не дошол во главниот град на Црна Гора само затоа што бил поканет од Предраг Мијатовиќ, туку сакал во живо да види еден фудбалер.

Се шушкаше дека Мурињо му фрлил око на Сергеј Милинковиќ-Савиќ, во кого можеби гледа наследник на незадоволниот Пол Погба, но Португалецот всушност дошол по Никола Миленковиќ.

Немања Матиќ не настапи, но Мурињо добро го познава Матиќ бидејќи работи со него и идејата му била да се запознае со дефанзивецот на Фиорентина.

Младиот Миленковиќ со добрите игри се наметна како лидер на одбранбената четворка и во клубот и во националниот тим. Доколку Миленковиќ заврши во Јунајтед, ќе ги следи стапките на Немања Видиќ, кој остави длабока трага на „Олд Трафорд“, а во последните сезони беше и капитен на славниот клуб.

 

Кочов: Не смееше да ни се случи испуштање на победата

Златко Јуруковски
-
0

По поразот на МЗТ Скопје Аеродром од Сикст Приморска, тренерот на македонскиот претставник во втората АБА-лига, Ѓорѓи Кочов, изјави дека неговиот тим не смеел да си допушти пораз во ситуација кога имаше предност од осум поени разлика на 1,15 минути до крајот.

„Штрковите“ наместо рутински да го приведат мечот кон крај, му дозволија на противникот набрзина да даде осум поени по ред и да изедначи, а во продолжението и да победи.

„Очекувавме дека ова ќе биде тежок меч за нас. Во третата четвртина, противникот направи предност, но ние успеавме да се вратиме и поведовме со разлика од осум поени. Тогаш се случи тоа што не смееше да се случи. Примивме две брзи тројки, следуваше продолжение во кое одлучија две топки. Му честитам на тимот на Приморска за борбеноста“, изјави разочараниот Кочов.

Во следното коло МЗТ игра дома, против Ловќен и тоа е шанса тимот од Аеродром да се врати на победничкиот пат. Пред тоа, МЗТ утре треба да го пречека Шкупи во обид за прва победа сезонава во домашното првенство.

Мбапе го спаси светскиот првак од пораз

Зоран Поповски
-
0

Актуелниот светски првак Франција на чудесен начин се спаси од пораз од Исланд на домашен терен во Гингамп. Исланѓаните до 86 минута имаа предност од 2:0 и беа на прагот на сефте победа против „триколорите“, но потклекнаа во финишот.

Со головите на Бјарнасон и на Арнасон по еден час игра Исланд имаше 2:0, но автоголот на Ејолфсон ги врати во игра светските прваци. Само 360 секунди подоцна, во 90. минута Мбапе беше прецизен од пенал и израмни на 2:2.

Франција нема пораз од 23. март годинава, кога Колумбија ги победи со 3:2 во пријателски меч, а сега серијата без пораз стаса до 14 во низа.

Исланд никогаш ја нема победено Франција, а двете селекции имаат одиграно меѓусебе дури 13 пати.

Како што му доликува на шампионот – Реал Мадрид со стотка тргна во одбрана на титулата

Зоран Поповски
-
0

Шампионски со стотка како што му доликува на 10-кратниот европски првак тргна новата сезона во Евролигата. Актуелниот бранител на трофејот Реал Мадрид славеше убедливо со 109:93 против Дарушафака и најави амбиции за 11. европска ѕвездичка.

Ентони Рендолф со 16 поени беше најефикасен кај Реал Мадрид, а Џејси Керол беше втор стрелец со 14 поени. Најефикасен на мечот беше Реј Мекалум со 18 поени во поразениот табор.

Убедлива победа забележа и ЦСКА Москва со 95:75 против Барселона, а со еден поен разлика помалку славеше и Анадолу Ефес Пилсен во Минхен против Баерн. Турците победија со 90:71, што беше единствената гостинска победа вечерва во премиерниот ден од Евролигата.

Во дербито Панатинаикос со 89:84 го победи Макаби во Атина.

Нема кој да го сопре Пако, Шпанија го декласира Велс

Зоран Поповски
-
0

Пако Алкасер ја продолжи рафалната стрелба, вечерва во дресот на Шпанија и со два гола беше творец на триумфот на „црвената фурија“ против Велс.

Гостите победија убедливо со 4:1, а напаѓачот на Борусија Дортмунд го постигна и осмиот гол за неполни 15 дена. Пако беше прецизен во осмата и во 29. минута, во меѓувреме прецизен беше и Рамос, за убедливи 3:0 на „Принципалити“ стадионот во Кардиф.

Гостите повторно погодија во 74. минута, во листата на стрелците се запиша повратникот во репрезентацијата на Шпанија Марк Бартра, а почесен гол за Велс постигна Воукс во 89. минута.

Полскиот трилер во Хоржов за Португалија

Зоран Поповски
-
0

Со головите на Андре и Бернардо Силва и со автоголот на Гилк Португалија славеше мошне важна победа од 3:2 против Полска во Хоржов.

Гостите имаа негатива по прецизниот удар на извонредниот Кшиштоф Пјонтек, но експресно направија пресврт со два гола во првото полувреме.

Најпрво Андре Силва израмни, а потоа Камил Гилк си постигна автогол за предност на гостите од 2:1. Во продолжението уште еден Силва, Бернардо, погоди за 3:1, а со еврогол Блажичковски намали на 2:3.

Португалците не дозволија изненадување и со шест бода се први во третата група од А сегментот. Имаат шест бодови пред Полска и Италија со по еден бод.

Во дербито на колото во Ц сегментот, Србија ја победи Црна Гора во Подгорица со 2:0. Двоен стрелец беше Александар Митровиќ.

Во истиот сегмент Израел ја победи Шкотска со 2:1, а Романија на гости беше подобра од Литванија и забележа победа од 2:1.

Во нашиот Ц сегмент, но во третата група Косово ја надигра и победи Малта со 3:1, додека очекувано и Азербејџан славеше против Фарски острови, со 3:0 на гостински терен.

Без Меси покер на Аргентина против Ирак

Зоран Поповски
-
0

И без главната ѕвезда Лионел Меси, Аргентина лесно го победи Ирак со 4:0 во пријателски меч што се играше во Ријад.

Лаутаро Мартинес, кој настапува за Интер погоди во 18. минута, потоа прецизен беше и Роберто Переира од англиски Ватфорд, а повторно ред беше за погодок за фудбалер кој игра во Серија А.

За 3:0 погоди Герман Пецела од Фиорентина, а за покер се погрижи Франко Серви, напаѓачот на Бенфика.

Мечот се играше на неутрален терен во Саудиска Арабија.

Турција и БиХ си фатија ред со ново реми

Зоран Поповски
-
0

Турција и Босна и Херцеговина одиграа меч без голови во Ризе. Дуелот беше пријателски и заврши мирољубови. Домаќините имаа иницијатива и повеќе шанси, но мрежите на голманите мируваа.

Ова е втор меѓусебен дуел на овие селекции што завршува без победник, откако претходно на четири дуели по двапати славеа двете репрезентации.

Со нерешениот резултат БиХ ја продолжи импресивната серија без пораз, сега на седум меча по ред.

1...10.67710.67810.679...10.790Страна 10.678 од 10.790